RIKIATM Qarshi filiali va shahar/tuman tibbiyot birlashmalari o‘rtasida telemeditsinani rivojlantirish ishlari davom etmoqda.

O‘zbekiston Respublikasi Prezidentining 2022 yil 26 yanvardagi “Yurak-qon tomir kasalliklarining oldini olish va davolash sifatini oshirish chora-tadbirlari to‘g‘risida”gi PQ-103-sonli qarori 2-ilova 18.2 bandi ijrosini ta’minlash maqsadida 8 sentabr kuni Respublika ixtisoslashtirilgan kardiologiya ilmiy-amaliy tibbiyot markazi Qarshi filiali va Dexqonobod tumanlari tibbiyot birlashmalari o‘rtasida videokonferension aloqa shaklida telemeditsina muloqoti tashkillashtirildi.

 

Kunning ikkinchi qismida Respublika ixtisoslashtirilgan kardiologiya ilmiy-amaliy tibbiyot markazi Qarshi filiali va  Dexqonobod tumanlari tibbiyot birlashmalari ma’sul xodimlari birgalikda birlashmalar bo‘limlarida davolanayotgan 4 nafar og‘ir ahvoldagi bemorning kasallik tarixi asosida bemorlar xolati klinik jixatdan taxlil etilib zaruriy tushuncha va ko‘nikmalar berildi.

 

Innovatsion telemeditsinani izchil yo‘lga qo‘yilishi orqali aholining sifatli tibbiy xizmatdan foydalanishi kengayadi, olis hududlarda yashovchi fuqarolarimizning ilg‘or tibbiy xizmatlardan bahramand bo‘lishiga xizmat qiladi.

 

#Zero_tibbiyotdagi_islohotlar_inson_qadri_uchun