Тиббий кўрикдан асосий мақсад аҳоли орасида юрак қон-томир касалликлари ва қандли диабет касалликларини эрта аниқлаш, турли хавф омилларини олдини олишга қаратилган чора-тадбирлардан иборат.
Вилоятдаги кардиология ва эндокринология шифохоналарининг 20 нафардан ортиқ малакали шифокорлари ҳамда 6 оилавий поликлиника шифокрлари билан биргаликда аҳоли соғлиғини чуқур кўрикдан ўтказишди.
Тиббий кўрик давомида соғлиғидан шикояти бор беморларга мутахассислар томонидан турли кўрсатма ва тушунчалар берилиб, айримлари амбулатор шароитда даволаниш тавсияларини олишди.
Ўтказилган бу каби чуқурлаштирилган тиббий кўрикларда аҳолининг тиббий хизмат билан қамраб олиш даражаси оширилади. Турли касалликлар хавф омилларини вақтли аниқлаш, аҳолининг тор мутахассислар ва бирламчи бўғин орасида самарали интеграция механизмлари яратилади. Аҳолининг турмуш тарзи яхшиланишга ва тиббиёт муассасаларига ишончи ортади. Беморларнинг тиббий саводхонлик даражаси ошиб, касалликларни вақтли профилактикасида энг муҳим омил ҳисобланади.
