РИКИАТМ Қарши филиалига MERIL – глобал тиббиёт технологиялари компанияси ҳодими Гаурав Аштикар ташриф буюрди.
Ташрифдан кўзланган мақсад марказда ўтказилаётган жаррохлик амалиётлари ва унда қўлланилаётган усуллар билан танишиш ҳамда бир нечта таклифларни тақдим этиш бўлди. Дастлаб марказ директори т.ф.д. Юлдошев Н.П. бошчилигидаги бир гурух шифокорлар ва Гаурав Аштикар иштирокида тор доирадаги учрашув бўлиб ўтди. Унда қисқа танишувдан сўнг компания ходими томонидан таклиф қилинган TAVI – ёпиқ усулда аортал клапан аорта орқали имплантацияси ва MyVal клапани ва Мерес100 биологик стенти буйича марузалар тингланди. Учрашув якунида билдирилган таклифларни келгусида марказда қўллаш бўйича келишувга эришилди.
