Бугун РИКИАТМ Қарши филиали мажлислар залида навбатдаги йиғилиш бўлиб ўтди. Унда филиал директори т.ф.д. Н.П. Юлдошев сўзга чиқиб кун тартиби бўйича бир қанча масалалар кўриб чиқилишини айтиб ўтди.
Шундан сўнг дастлабки масала бўйича филиал хўжалик мудири Эломонов Қобилжон сўзга чиқиб, Ўзбекистон Республикаси Соғлиқни сақлаш вазирлигининг 10.01.2017 йилдаги 0342-17 сонли “Шифохона ички инфекцияларни профилактикаси” санитария эпидемиология қоидалари ва меъёрий талабларининг бажарилишини таъминлаш мақсадида, 2021 йил 1 июлдан – 1 августга қадар РИКИАТМ Қарши филиалида Кардиожаррохлик бўлими, кардиожаррохлик реанимацияси бўлими, Кардиожаррохлик блоки, РЭЖ жаррохлик блоки ва РЭЖ бўлимларининг техник ва косметик таъмирланиши туғрисида маъруза қилди. Ушбу вақт оралиғида филиалда вақтинчалик жаррохлик амалиётлари ўтказилмайди.
Навбатдаги масала бўйича филиал Касаба уюшмаси раиси Жумев Акмал сўзга чиқиб РИКИАТМ Қарши филиали маъмурият бўлими хўжалик бекаси, узоқ йиллардан буён ушбу шифохонада фаолият олиб борган Дилором Юсупованинг нафақа ёшига тўлганлиги муносабати билан ўзининг яхши тилакларини филиал барча ишчи ходимлари номидан ҳам билдириб ўтди. Шундан сўнг у кишига директор томонидан бир даста гул, фахрий ёрлиқ ва қимматбаҳо эсдалик совғалари топширилди. Йиғилиш сўнгида Дилором Юсупова ҳам филиал директори ва жамоасига ўз миннатдорчилигини билдириб ўтди. Йиғилиш яхши кўтаринки кайфиятда ўз ниҳоясига етди.
