Ташрифнинг иккинчи кунида ҳам чет эллик шифокорлар томонидан бир нечта мураккаб жаррохлик амалиётлари ўтказилди. Шу қаторда пойтахдан келган рентген жаррох М. Жўралиев ва кардиолог, электрофизиолог А.Брайтенштайн ҳамда филиал рентген жаррохлари билан биргаликда юрак туғма нуқсони билан туғилган беморларга эндоваскуляр усулда жаррохлик амалиётлари бажарилди.
Профессор кардиохирург Т.Каррел, кардиохирург Р.Азер, реанимотолог анестезиолог В.Чегарев ва филиал кардиожаррохлик бўлими бошлиғи А. Жалилов ва шифокорлари томонидан ҳам очиқ турдаги жаррохлик амалиётлари ўтказилди.
Ташриф якунида Қашқадарё вилоят соғлиқни сақлаш бошқармаси бошлиғи Р. Тўлаков ва РИКИАТМ Қарши филиали директори т.ф.д. Н. Юлдошев томонидан чет эллик меҳмонларга чуқур эҳтиром кўрсатилиб, ташаккурнома ва қимматбаҳо совғалар улашилди.
РИКИАТМ Қарши филиали Швецариянинг «Eur Asia Heart» тиббиёт фонди шифокорларига ўз миннатдорчилигини билдиради.