Куни кеча РИКИАТМ Қарши филиалида навбатдаги махорат дарси бўлиб ўтди, унда юрак жамоаси асосчиларидан бири, т.ф.н. Якубов А.А. бошчилигидаги аритмологлар жамоаси томонидан амалий кўникмалар билан бир қаторда марказимиз тиббиёт ходимлари учун макропрепаратда(мол юраги) юрак анатомиясининг электрофизиологлар учун аҳамиятли нуқталари кўрсатиб ўтилди.
Шундан сўнг юрак ритмининг мураккаб бузилиши ташхиси қўйилган 5 нафар беморларда юрак ичи электрофизиологик текшируви ва радиочастотали аблатсия амалиёти муваффақиятли ва асоратларсиз ўтказилди.
Ўтказилган махорат дарси учун А.А. Якубовга РИКИАТМ Қарши филиали жамоаси ўз миннатдорчилигини билдиради.